Im Gspräch mit mügleche Sänger ghört me ab und zue «Ig cha drum nid jodle!». Hesch gwüsst? Nid jede Jodler muess chönne jodle! Im Gägeteu… Jodle oder äbe jutze tüe i dr Regu nume einzelni Sänger vomene Klub. Di meischte singe während em Jutz dr sogenannt «Begleit», e Chorklang wo dr Jutz ybettet. Nume einzelni sogenannti «Jutzer» singe dr Jutz, d’Melodie während em meischt nume vokalisierte Refrain.
Singsch du gärn imene Chor? Hesch Fröid a Bärndütsche Lieder? De bisch du imene Jodlerklub genau richtig!
Dr Jodlerklub Wase probt im Gmeindssaau vom Primarschueuhuus Wase u ychehre tüe mir öppe im Reschtaurant Rössli näbedra. D’Probe fö jewius 20:15 Uhr a.
Chum verbi! Mir fröie üs!
Für d’Stimm
Für d'Stimm
Für d'Stimm
Üsi Stimm isch öppis einzigartigs. We me se geziut wott ysetze, sött me chli drzue luege. Es git Sache, wo me jederzit cha druf luege oder awände u aber ou ganz geziuti Sache, we d’Stimm nid e so wott wi me wett…
Dr Jodlerklub besteit us de Stimme...
- 1. Tenor (höchschti Stimm)
- 2. Tenor
- 1. Bass
- 2. Bass (töifschti Stimm)