Bis jtz hei mir aues Sache ufzeut wo drzue söue byträge, dass me gar nid chrank wird. Aber mänggisch passiert’s glich.

We du oder dini Formation uf dini Stimm agwise si, de söttsch bi de erschte Azeiche handle. Villech magsch es epha. Nimm afe grad 1-2 Multivitamin-Minerau CELA vo de Burgerstei. We’s de glich usbricht, de muesch Sorg ha zur Stimm. Mit ere Entzündig u ganz sicher mit Schmärze mues me schwige. Gschider einisch e Uftritt absäge aus nie me singe. U we’s di würklech brucht, gang früech gnue zum Dokter u nid ersch e haube Tag vorem Uftritt. D’Dökter chöi viu, aber nid zoubere.

U we’s de mit au dene Massnahme fot afo guete, de chasch es mit dopplet oder drü mou soviu, süüferligem Ysinge probiere.