Erhole, d’Stimm wieder i Stang steue, pflege. Das ghört ou drzue.

Vorab s’Wichtigschte: Gnue Schlofe. Grad di letschte paar Tag voreme wichtige Uftritt, cha me em Körper u sire Stimm nüt bessers tue aus für gnue Schlof z’sorge. Drzue isch d’Gfahr vom chrank wärde ou chliner. S’Imunsyschtem isch mit gnue Schlof nachwyslech chräftiger u ma meh abgha.

Zum Regeneriere isch es wichtig zu de Schlymhüt z’luege. Nachem Singe u im früeche Vorfäud si schlimendi Getränk u Ruschtig us dr Drogerie z’empfähle. Bi dr Ruschtig us dr Drogerie si meischtens sanfti, hüfig pflanzlechi Sache agseit. Aues angere macht bi dr Regeneration villech meh kabutt. We me de chrank isch, cha me de drüber rede. Am beschte lot me sich vomene guete Drogischt lo berate. Nach üsere Erfahrig si Salbei-Täfeli, GeloRevoice u Schüsslersauz z’empfähle. Aus erhäutlech ire guete Drogerie. U we’s öie Drogischt nid het, de isch es äuä ke guete. De chömit i Wase zum Krebser!

Dass d’Sänger nume so guet si wi ihre Drogischt, sövu wyt würde mir jtz aber nid go…